തന്റെ പ്രിയതമയോടൊപ്പം
ആദ്യരാത്രിയില്.. സുഖാസ്വാദനത്തിന്റെ കിതപ്പുകളില്..
മനസ്സിനും ശരീരത്തിനും സുഖം പകരുന്ന
നിമിഷങ്ങളില്..
അപ്പോള് പുറത്ത് പടപ്പുറപ്പാടിന്റെ കാഹളങ്ങള് മുഴങ്ങുന്നു..
മുസ്ലിം സൈന്യം ഉഹുദ്
രണാങ്കണത്തിലേക്ക് മാര്ച്ച്
ചെയ്യുകയാണ്.. ആരോ ചോദിച്ചു..
"ഹന്ളലയെ വിളിക്കണ്ടേ?"
"വേണ്ട.. അദ്ദേഹം മണിയറയില് ആണ്..
വിളിക്കേണ്ട എന്നാണു നിര്ദ്ദേശം.."
പക്ഷെ ഹന്ളല (റ) വിനെ ചോദിച്ച സ്വാഹാബിക്ക്
സംശയം ഉണ്ടായിരുന്നില്ല..
ആത്മഗതം എന്നോണം പറഞ്ഞു..
"അത് ഹന്ളലയാണ്.. അദ്ധേഹം വരും..!!"
അതായിരുന്നു ശരി..
പ്രണയത്തിന്റെ നിശ്വാസങ്ങള്ക്കുും മീതെ പോരാട്ടത്തിന്റെ
ആരവങ്ങള് ഹന്ളല (റ) വിന്റെ കര്ണ്ണപുടങ്ങളില്
പതിച്ചു.. മഹാനവര്കള്ക്ക് രണ്ടാമതൊന്നു
ആലോചിക്കാന് കഴിയുമായിരുന്നി
ല്ല.. പടച്ചട്ടയും ഉടവാളും അണിഞ്ഞു
മഹാനവര്കള് യുദ്ധത്തിനു
തയ്യാറായി കഴിഞ്ഞിരുന്നു..
പോകുന്നതിനു മുമ്പ് ഭാര്യയെ ചേര്ത്തു
പിടിച്ചു കൊണ്ട്
മഹാനവര്കള് ഒന്നേ പറഞ്ഞുള്ളൂ..
"തിരിച്ചു
വന്നാല് നിന്റെ കൂടെ.. അല്ലെങ്കില്
സ്വര്ഗ്ഗം എനിക്കായി കാത്തിരിക്കുന്നു
ഭാര്യയോട് സ്നേഹം ഇല്ലാഞ്ഞിട്ടല്ല
ല്ലോ ഹന്ളല (റ) അവരെ വിട്ടു പോയത്..
പക്ഷെ ഭാര്യയെക്കാള്
പ്രിയം അല്ലാഹുവും ആദര്ശവും ആയിരുന്നു
അദ്ദേഹത്തിന്.. ഹന്ളല (റ) യാത്രയായി..
തന്റെ പ്രിയതമയുടെ ചൂടില്
നിന്നും രണഭൂമിയുടെ ചൂടിലേക്ക്..
" 'മധുരാഗമുതിരുന്നൊരനുരാഗ വീണതന്
മൃദുഗാനം നിന്നെ വിളിക്കുന്നുവോ..'
---------------------------------------------
--------------------------------
ശത്രുസൈന്യത്തിന്റെ അണികള്
ഭേദിച്ചു സൈന്യാധിപന്
അബൂസുഫ്യാന്റെ സമീപമെത്തി അദ്ദേഹത്തെ വധിക്കാന്
മുതിര്ന്ന ഹന്ളല (റ)വധിക്കപ്പെട്ടു.. ഹന്ളല(റ)
രക്തസാക്ഷിയായി..
രക്തസാക്ഷികളെ ഖബറടക്കുമ്പോള്
ഹന്ളലയുടെ (റ) ശരീരം കാണാതായപ്പോള്
സഹാബികള് അന്വേഷിച്ചു. അത് ഒരു
ഭാഗത്ത് വെള്ളമുറ്റുന്നതായി അവര് കണ്ടു.
അത്ഭുതം തോന്നിയ അവര്
നബിയെ صلي ﷲ عليه وسلم വിളിച്ചു കാണിച്ചു
കൊടുത്തു.. ആ കാഴ്ച കണ്ട നബി صلي ﷲ عليه وسلم ഒരു
പുഞ്ചിരിയോടെ പറഞ്ഞു..
"ആകാശത്തിനും ഭൂമിക്കും ഇടയില്
വച്ച് ഹിമജലം കൊണ്ട് മലക്കുകള്
അദ്ദേഹത്തെ കുളിപ്പിക്കുകയാണ്.."..
സഹാബികള്ക്ക് വീണ്ടും അത്ഭുതം..
ശഹീദിന്റെ മയ്യിത്ത് എന്തിനു
കുളിപ്പികണം.. നബി صلي ﷲ عليه وسلم പറഞ്ഞു..
"അദ്ദേഹത്തിന്റെ ഭാര്യയോടു
ചോദിക്കൂ.." അവര് ചോദിച്ചു..
"എന്റെ അടുത്ത്
നിന്നും അദ്ദേഹം പോകുമ്പോള്
അദ്ദേഹം കുളിച്ചിട്ടില്ലായിരുന്നു..
അതിനുള്ള
സമയം പോലും അദ്ദേഹം കളയാന്
നിന്നില്ല.."
പകരം ആ ധീരയോദ്ധാവിന്റെ
ശരീരത്തെ കുളിപ്പിച്ച്
ശുദ്ധിയാക്കാന് അല്ലാഹു മാനത്ത്
നിന്നും മാലാഘമാരെ നിയോഗിക്കുകയായി
രുന്നു.. ഹന്ളല(റ) മലക്കുകളാള്
സ്നാനം ചെയ്യപ്പെട്ടവര് 'ഗസീലുല്
മലാഇക’ !!
മണിയറയില്
നിന്നും രക്തസാക്ഷിത്വത്തിലേക്ക്
ഓടിയിറങ്ങിയവര്..
“പ്രണയവും പൂക്കളും ശബളമോഹങ്ങളും നിറമുള്ള
കനവുമുണ്ടായിരുന്നെങ്കിലും..
നേരിന്നു
വേണ്ടി നിതാന്തം ഒരാദര്ശവേരിന്നു
വെള്ളവും വളവുമായൂറിയോര്"
No comments:
Post a Comment