فَبِأَيِّ آلَاءِ رَبِّكُمَا تُكَذِّبَان
(അപ്പോള് നിങ്ങളിരുകൂട്ടരുടെയും നാഥന്റെ ഏത് ഔദാര്യമാണ് നിങ്ങള് നിഷേധിക്കുക?)
വിശുദ്ധ ഖുര്ആനില് സൂറത്തുര്റഹ്മാനില് നമുക്ക് കാണാന് സാധിക്കും പലആവര്ത്തി ഈ ആയത്ത്..
പരമകാരുണ്യവാന്റെ ഏത് അനുഗ്രഹത്തെയും ഔദാര്യത്തെയുമാണ് നിഷേധിക്കാനാവുക..
അതെ...വിശുദ്ധ ഖുര്ആനിലെ സൂറത്തുര്റഹ്മാന് നമ്മോട് പറയുന്നത് ഹൃദയങ്ങളെ ഉണര്ത്താനാണ്..ഉറങ്ങുന്ന അല്ലെങ്കില് ഉറക്കം നടിക്കുന്ന മനുഷ്യ ഹൃദയങ്ങളെ ,
എത്ര മനോഹരമായാണ് ഈ സൂറത്ത് നമ്മെ ഉദ്ബോധിപ്പിക്കുന്നത്
ജിന്നുകളും മനുഷ്യരും ഈ പ്രപഞ്ചത്തിലെ മുഴുവന് ജീവജാലങ്ങളും കാരുണ്യവാനായ റബ്ബിന്റെ നിയന്ത്രണത്തിലാണ്.
ഒരില അനങ്ങുന്നുവെങ്കില് കാരുണ്യവാനായ റബ്ബിന്റെ അറിവോടെയാണെന്ന തിരുവചനങ്ങള് എത്രത്തോളം ഹൃദയങ്ങളെ സ്വാധീനിക്കുന്നു
അതെ......അല്ലാഹുവിന്റെ ഏത് അനുഗ്രഹത്തെയാണ് നിഷേധിക്കാനാവുക..?
സൂറത്തുര്റഹ്മാന് തുടങ്ങുന്നത് മുതല് അവസാനിക്കുന്നത് വരെ കാരുണ്യവാനായ റബ്ബ് നമുക്ക് നല്കിയ അനുഗ്രങ്ങളെ കുറിച്ചും ഈ ഭൂമി ലോകത്തിന്റെ സംവിധാനങ്ങളെ കുറിച്ചും നന്മയോടെ ജീവിക്കുന്നവര്ക്കുളള സന്തോഷ വാര്ത്തയും സ്വര്ഗ്ഗീയ സുഖങ്ങളെ കുറിച്ചും നരകത്തിനെ കുറിച്ചുളള താക്കീതും
സര്വ്വവും അവന് വേണ്ടി സുജൂദിലാണെന്ന പരമ സത്യത്തെയും മനസ്സിലാക്കി തരുന്നു..
നോക്കൂ....എന്ത് സ്നേഹമാണ് ..എത്ര മനോഹരമാണ്...ഒരു മാതാവ് തന്റെ കുഞ്ഞിനെ സ്നേഹിക്കുന്നതിനുമപ്പുറം നമ്മെ സ്നേഹിക്കുന്ന നമ്മുടെ റബ്ബ്..
നമ്മോട് സ്നേഹത്തോടെ ഉണര്ത്തുകയാണ് സൂറത്തുര്റഹ്മാന്..
ഒന്നുമില്ലായ്മയില് നിന്നും നമ്മെ സൃഷ്ടിച്ചു
ഉമ്മയുടെ ഉദരത്തില് നിന്നും ഭക്ഷിപ്പിച്ചു..
നോക്കൂ എത്ര സൂക്ഷ്മമായിട്ടാണീ സംവിധാനം..
പിന്നെയോ വളര്ച്ചയുടെ എല്ലാ ഘട്ടങ്ങളിലും വിജയങ്ങള് നേടിയപ്പോള് നേട്ടങ്ങള് കൊയ്തപ്പോള് അങ്ങിനെയങ്ങിനെ ..നോക്കൂ..നമ്മുടെ റബ്ബ് നമ്മുടെ എത്ര അടുത്താണ്..
പരാജയങ്ങളില് പോലും എന്റെ റബ്ബുണ്ടല്ലേോ എനിക്ക് എന്നു പറയാന് പോലും പകര്ന്ന ആ ഈമാനിക ചൈതന്യത്തിന്റെ ഉടമസ്ഥനായ കാരുണ്യവാന് എത്ര അടുത്താണ്...
ശരീരത്തിന്റെ ഒരു രോമത്തിന് എത്ര സുജൂദ് ചെയ്യേണ്ടിവരും...കണ്ണിന്റെ കാഴ്ച...കേള്വി...കൈകാലുകള്...ബുദ്ധി...ആരോഗ്യം....അറിയൂ...നിന്നിലൂടെ നിന്റെ റബ്ബിനെ..
ഏത് സമയത്തും അല്ഹംദുലില്ലാഹ് പറയാന് നമ്മുടെ ഹൃദയത്തെ പ്രാപ്തമാക്കണം, ഓരോ സെക്കന്റിലും ഉളളിലേക്കെടുക്കുന്ന ഓക്സിജനെ പറ്റി ചിന്തിച്ചിട്ടുണ്ടോ...ഇമവെട്ടുന്നതിനെക്കുറിച്ചും എല്ലുകള്ക്കിടയില് ഭദ്രമാക്കി വെച്ച ഹൃദയത്തെക്കുറിച്ചും..തലയോട്ടിക്കുളളില് ഒളിപ്പിച്ച് വെക്കുന്ന ബുദ്ധി കേന്ദ്രത്തെ...ഉടനീളം സഞ്ചരിക്കുന്ന ജീവനാഡിയും രക്തത്തെക്കുറിച്ചും...
യാ..റബ്ബ്..ഭൂലോകത്തെ മുഴുവന് വൃക്ഷങ്ങള് പേനയാക്കിയും സമുദ്രജലം മുഴുവന് മഷിയാക്കിയാലും നിന്റെ പോരിശയും നീ ചെയ്ത് തന്ന അനുഗ്രവും ഔദാര്യവും എഴുതിത്തീര്ക്കാനാവില്ലല്ലോ..
അല്ലാഹുവിന്റെ ഔദാര്യത്തെ നിഷേധിച്ചു കൊണ്ട് നന്ദി കെട്ടവരായി നാം ആയിക്കൂടാ..
നമ്മെ സ്നേഹിക്കുന്ന നമ്മുടെ റബ്ബിന്റെ അനുസരണയുളള ദാസന്മാരായി ജീവിക്കണം.
ചിന്തിക്കണം..ഞാനനുഭവിക്കുന്ന എല്ലാ സുഖങ്ങളും ഞാന് നേടിയതല്ല എല്ലാം എന്റെ റബ്ബിന്റെ ഔദാര്യവും അനുഗ്രഹവുമാണ്
മനോഹരമാണാ ജീവിതം..പിന്നെ എല്ലാ ചിന്തകളും പ്രവൃത്തികളും റബ്ബിന്റെ തൃപ്തിയില്..
നന്മയെ മുന്തൂക്കം നല്കിയും
നിരോധിച്ചതിനെ നിരോധിച്ചും
ജീവിതം മുന്നോട്ട് പോകും
"എന്റെ റബ്ബുണ്ടല്ലോ എനിക്ക്"
സസ്നേഹം..
ഷംജീദ് .എന്